Notification of assignments and seminar presentation

 

ভূপেন হাজৰিকাৰ জন্মদিন উদযাপন

 ড° ভূপেন হাজৰিকাৰ জন্মদিন উদযাপন

অসমীয়া বিভাগ, নামৰূপ মহাবিদ্যালয়ৰ উদ্যোগত ৮ ছেপ্টেম্বৰ, ২০২৬ তাৰিখে বিশ্ববৰেণ্য শিল্পী, গীতিকাৰ, সুৰকাৰ, গায়ক, চলচ্চিত্ৰ নিৰ্মাতা আৰু মানৱতাবাদী চিন্তাবিদ ড° ভূপেন হাজৰিকাৰ জন্মদিন শ্ৰদ্ধা আৰু গাম্ভীৰ্যপূৰ্ণ পৰিৱেশত উদযাপন কৰা হয়।

অনুষ্ঠানৰ আৰম্ভণিতে ড° ভূপেন হাজৰিকাৰ প্ৰতিচ্ছবিত পুষ্পাঞ্জলি অৰ্পণ কৰি মহান শিল্পীগৰাকীৰ প্ৰতি শ্ৰদ্ধা নিবেদন কৰা হয়। ইয়াৰ পিছত তেওঁৰ জীৱন, কৰ্ম আৰু অসমীয়া সমাজ-সংস্কৃতি তথা ভাৰতীয় সংগীত আৰু সংস্কৃতি জগতলৈ আগবঢ়োৱা অনবদ্য অৱদানৰ বিষয়ে আলোচনা কৰা হয়।

অনুষ্ঠানত ছাত্ৰ-ছাত্ৰীসকলে ড° হাজৰিকাৰ জীৱন আৰু সৃষ্টিকৰ্মৰ বিভিন্ন দিশ সম্পৰ্কে বক্তব্য আগবঢ়োৱাৰ লগতে তেওঁৰ মানৱতাবাদী চেতনা, সাম্যৰ ভাবনা, সামাজিক দায়বদ্ধতা আৰু বিশ্বভাতৃত্ববোধৰ বিষয়ে আলোকপাত কৰে। তেওঁৰ কালজয়ী গীতসমূহৰ জৰিয়তে মানৱপ্ৰেম, সামাজিক সম্প্ৰীতি, শোষিত-বঞ্চিত মানুহৰ প্ৰতি সহমৰ্মিতা আৰু অসমৰ প্ৰকৃতি-সমাজ-সংস্কৃতিৰ প্ৰতি গভীৰ দায়বদ্ধতা প্ৰকাশ পোৱাৰ বিষয়েও আলোচনা কৰা হয়।

অনুষ্ঠানত ড° ভূপেন হাজৰিকাৰ কেইবাটাও জনপ্ৰিয় গীত পৰিৱেশন কৰা হয়। ছাত্ৰ-ছাত্ৰীসকলৰ গীত পৰিৱেশন আৰু সাংস্কৃতিক উপস্থাপনে অনুষ্ঠানটো অধিক অৰ্থৱহ কৰি তোলে। লগতে তেওঁৰ সাহিত্যিক আৰু সাংস্কৃতিক অৱদানৰ ওপৰত সংক্ষিপ্ত আলোচনা অনুষ্ঠিত হয়।

এই জন্মদিন উদযাপনৰ মূল উদ্দেশ্য আছিল নৱপ্ৰজন্মৰ মাজত ড° ভূপেন হাজৰিকাৰ জীৱন-দৰ্শন আৰু সৃষ্টিৰাজিৰ সৈতে পৰিচয় ঘটোৱা তথা তেওঁৰ মানৱতাবাদী আদৰ্শ, সামাজিক দায়বদ্ধতা আৰু সম্প্ৰীতিৰ বাৰ্তা ছাত্ৰ-ছাত্ৰীসকলৰ মাজত প্ৰচাৰ কৰা।

সামগ্ৰিকভাৱে, অনুষ্ঠানটো সফল আৰু ফলপ্ৰসূভাৱে সম্পন্ন হয়। ড° ভূপেন হাজৰিকাৰ জন্মদিন উদযাপনৰ জৰিয়তে ছাত্ৰ-ছাত্ৰীসকলে মহান শিল্পীগৰাকীৰ বহুমুখী প্ৰতিভা আৰু সমাজ-সংস্কৃতিৰ প্ৰতি তেওঁৰ গভীৰ দায়বদ্ধতাৰ বিষয়ে জানিবলৈ সুযোগ লাভ কৰে।

 

Morning assembly conducted by Department of Assamese

 অসমীয়া বিভাগৰ ছাত্ৰ-ছাত্ৰীৰ দ্বাৰা তিনিদিনীয়া 

প্ৰাতঃসভা পৰিচালনা

তাৰিখ: ৩–৫ অক্টোবৰ, ২০২৬

আয়োজক: অসমীয়া বিভাগ

অসমীয়া বিভাগৰ উদ্যোগত ৩ অক্টোবৰৰ পৰা ৫ অক্টোবৰ, ২০২৬ তাৰিখলৈ তিনিদিনীয়া প্ৰাতঃসভা কাৰ্যসূচী সফলতাৰে অনুষ্ঠিত আৰু পৰিচালনা কৰা হয়। উক্ত তিনিওটা দিনৰ প্ৰাতঃসভাৰ সমগ্ৰ কাৰ্যসূচী অসমীয়া বিভাগৰ ছাত্ৰ-ছাত্ৰীসকলে দায়িত্বসহকাৰে পৰিচালনা কৰে।

প্ৰাতঃসভাৰ আৰম্ভণিতে নিয়মমাফিক প্ৰাৰ্থনা আৰু প্ৰতিজ্ঞা পাঠ কৰা হয়। ইয়াৰ পিছত ছাত্ৰ-ছাত্ৰীসকলে দৈনন্দিন জীৱনৰ বাবে প্ৰাসংগিক বিভিন্ন বিষয়ৰ ওপৰত চিন্তনমূলক বক্তব্য, নৈতিক-শিক্ষামূলক আলোচনা, বাতৰি পাঠ, কবিতা আবৃত্তি আদি বিভিন্ন কাৰ্যসূচী উপস্থাপন কৰে। প্ৰতিটো কাৰ্যসূচীতে ছাত্ৰ-ছাত্ৰীসকলৰ সক্ৰিয় অংশগ্ৰহণ, আত্মবিশ্বাস আৰু সৃজনশীলতাৰ পৰিচয় পোৱা যায়।

এই তিনিদিনীয়া প্ৰাতঃসভাৰ মূল উদ্দেশ্য আছিল ছাত্ৰ-ছাত্ৰীসকলৰ মাজত নেতৃত্বৰ গুণ, দায়িত্ববোধ, সময়ানুৱৰ্তিতা, শৃংখলাবোধ, আত্মবিশ্বাস আৰু সামাজিক-নৈতিক মূল্যবোধৰ বিকাশ সাধন কৰা। লগতে, ৰাজহুৱা স্থানত বক্তব্য প্ৰদান, অনুষ্ঠান পৰিচালনা আৰু দলগতভাৱে কাম কৰাৰ ক্ষেত্ৰত ছাত্ৰ-ছাত্ৰীসকলক ব্যৱহাৰিক অভিজ্ঞতা প্ৰদান কৰাও এই কাৰ্যসূচীৰ অন্যতম উদ্দেশ্য আছিল।

কাৰ্যসূচীসমূহ সুচাৰুৰূপে সম্পন্ন কৰাত অসমীয়া বিভাগৰ শিক্ষক-শিক্ষয়িত্ৰীসকলৰ দিহা-পৰামৰ্শ আৰু ছাত্ৰ-ছাত্ৰীসকলৰ আন্তৰিক সহযোগিতা বিশেষভাৱে উল্লেখযোগ্য। সমগ্ৰ অনুষ্ঠানটোৱে ছাত্ৰ-ছাত্ৰীসকলৰ মাজত ইতিবাচক চিন্তাধাৰা আৰু দায়িত্বশীলতাৰ মনোভাৱ গঢ়ি তোলাত সহায় কৰে।

Departmental activity

Departmental Seminar 2026

Dated 02/05/26

International Mother Language day

21/02/26

H.S 2nd yr Bihu practical examination 2026

Dated: 06/02/26

 morning assembly performed by Assamese Department 

College week 

Department of Assamese 

Academic Audit 

Departmental presentation 

HOD, Dr.Chabi Gogoi

Dated 13/12/25

Students activities 

saswa aviyan 

 

স্নেহবন্ধন ২০২৬

স্নেহবন্ধন ২০২৬,অসমীয়া বিভাগ,১৯•০৫•২০২৬

ছাত্ৰ-ছাত্ৰী আৰু শিক্ষকৰ অভিনন্দন অনুষ্ঠান

মানৱ জীৱনত শিক্ষা কেৱল পাঠ্যপুথিৰ মাজতে সীমাবদ্ধ নহয়; শিক্ষা হৈছে মানুহৰ ব্যক্তিত্ব গঠন, মানৱীয় মূল্যবোধৰ বিকাশ আৰু সমাজৰ প্ৰতি দায়িত্ববোধ জগাই তোলা এক মহান প্ৰক্ৰিয়া। শিক্ষাৰ এই পবিত্ৰ পৰিবেশত শিক্ষক আৰু ছাত্ৰ-ছাত্ৰীৰ মাজৰ সম্পৰ্ক অতি মৰমীয়াল আৰু আত্মীয়তাপূৰ্ণ। এই সুসম্পৰ্কক অধিক সুদৃঢ় কৰাৰ উদ্দেশ্যে অসমীয়া বিভাগৰ উদ্যোগত আয়োজন কৰা “স্নেহবন্ধন” অনুষ্ঠান এক স্মৰণীয় আৰু তাৎপৰ্যপূৰ্ণ অনুষ্ঠান।

এই অনুষ্ঠানৰ মূল উদ্দেশ্য হৈছে বিভাগৰ শিক্ষক-শিক্ষয়িত্ৰী আৰু ছাত্ৰ-ছাত্ৰীৰ মাজত পাৰস্পৰিক সন্মান, সৌহাৰ্দ্য, আন্তৰিকতা আৰু সহযোগিতাৰ মনোভাৱ গঢ়ি তোলা। ৩ বছৰীয়া পাঠ্যক্ৰ্মৰ প্ৰাক ক্ষণত  ছাত্ৰ-ছাত্ৰীসকলক শুভেচ্ছা জনোৱা, বিভাগৰ কৃতী ছাত্ৰ-ছাত্ৰীক অভিনন্দন জ্ঞাপন কৰা আৰু শিক্ষকসকলৰ অৱদানৰ প্ৰতি কৃতজ্ঞতা প্ৰকাশ কৰাই এই অনুষ্ঠানৰ অন্যতম লক্ষ্য।

অনুষ্ঠানৰ আৰম্ভণিতে বন্তি প্ৰজ্বলন আৰু বন্তি গীতেৰে এক মনোমোহা পৰিবেশৰ সৃষ্টি কৰা হয়। তাৰ পিছত বিভাগৰ মুৰব্বী অধ্যাপক/অধ্যাপিকাই শুভেচ্ছা ভাষণ আগবঢ়াই অনুষ্ঠানৰ উদ্দেশ্য ব্যাখ্যা কৰে। তেওঁ কয় যে শিক্ষক আৰু ছাত্ৰ-ছাত্ৰীৰ মাজৰ সম্পৰ্ক যদি মৰম, বিশ্বাস আৰু শ্ৰদ্ধাৰ আধাৰত গঢ় লৈ উঠে, তেন্তে শিক্ষাৰ ক্ষেত্ৰ অধিক ফলপ্ৰসূ হয়। ভাষণত তেওঁ সাহিত্য-সংস্কৃতিৰ গুৰুত্ব আৰু অসমীয়া ভাষাৰ সংৰক্ষণৰ ক্ষেত্ৰত নতুন প্ৰজন্মৰ দায়িত্বৰ বিষয়েও আলোকপাত কৰে।

অনুষ্ঠানত ছাত্ৰ-ছাত্ৰীয়ে কবিতা আবৃত্তি, সংগীত, বক্তৃতা আদি বিভিন্ন সাংস্কৃতিক অনুষ্ঠান পৰিবেশন কৰি অনুষ্ঠানটি অধিক সজীৱ কৰি তোলে। বিশেষকৈ অসমীয়া সাহিত্যৰ বিভিন্ন দিশক কেন্দ্ৰ কৰি উপস্থাপিত অনুষ্ঠানসমূহে উপস্থিত দৰ্শকক মুগ্ধ কৰে। ছাত্ৰ-ছাত্ৰীৰ সৃজনশীলতা আৰু সাংস্কৃতিক প্ৰতিভাৰ বিকাশত এনে অনুষ্ঠানৰ ভূমিকা বিশেষ উল্লেখযোগ্য।

এই অনুষ্ঠানত বিভাগৰ চূড়ান্ত বৰ্ষৰ ছাত্ৰ-ছাত্ৰীসকলক ফুলাম গামোচা, মানপত্ৰ আৰু উপহাৰেৰে সম্বৰ্ধনা জনোৱা হয়। তেওঁলোকৰ সাফল্যই আন ছাত্ৰ-ছাত্ৰীৰ মাজতো উৎসাহ আৰু অনুপ্ৰেৰণাৰ সঞ্চাৰ কৰে। একেদৰে শিক্ষকসকলকো তেওঁলোকৰ অক্লান্ত পৰিশ্ৰম, দীক্ষা আৰু শিক্ষাক্ষেত্ৰলৈ আগবঢ়োৱা অৱদানৰ বাবে অভিনন্দন জ্ঞাপন কৰা হয়। শিক্ষকসকল হৈছে সমাজ গঢ়াৰ মূল স্থপতি; তেওঁলোকৰ স্নেহ, মৰম আৰু দিশ-নিৰ্দেশনাৰ ফলতেই ছাত্ৰ-ছাত্ৰীসকলে জীৱনত সঠিক পথ বিচাৰি পায়।

“স্নেহবন্ধন” কেৱল এটা সাংস্কৃতিক অনুষ্ঠান নহয়; ই হৈছে হৃদয়ৰ বন্ধন গঢ়ি তোলাৰ এক সুন্দৰ মঞ্চ। এনে অনুষ্ঠানৰ জৰিয়তে বিভাগত এক পাৰিবাৰিক পৰিবেশ সৃষ্টি হয়, য’ত শিক্ষক আৰু ছাত্ৰ-ছাত্ৰীয়ে একেলগে জ্ঞান, সংস্কৃতি আৰু মানৱীয় মূল্যবোধৰ চর্চা কৰে। ছাত্ৰ-ছাত্ৰীৰ মনত আত্মবিশ্বাস, সহযোগিতা আৰু সামাজিক দায়িত্ববোধ গঢ়ি তোলাতো এই অনুষ্ঠানৰ গুৰুত্ব অপৰিসীম।

সামগ্ৰিকভাৱে “স্নেহবন্ধন” অনুষ্ঠানটোৱে অসমীয়া বিভাগৰ ঐক্য, সংস্কৃতি আৰু শিক্ষাৰ আদৰ্শক অধিক শক্তিশালী কৰি তোলে। এই অনুষ্ঠানৰ জৰিয়তে শিক্ষক আৰু ছাত্ৰ-ছাত্ৰীৰ মাজত গঢ়ি উঠা মৰম, সন্মান আৰু আন্তৰিকতাৰ সম্পৰ্ক ভৱিষ্যতেও অব্যাহত থাকিব।

 

Departmental activities

Sakha Sahitya Sophba activity by Department of Assamese 

Date:15/04/2026

Celebration of Bohag bihu

Date:11/04/26

 Celebration of Bohag bihu

Date:11/04/26

মানৱতাৰ দিন উদযাপন ২০২৫

 মানৱতাৰ দিন উদযাপন 

অসমীয়া আৰু সমাজতত্ত্ব বিভাগৰ উদ্যোগত লগতে আভ্যন্তৰিণ মান নিৰ্ণায়ক কোষ আৰু আৰ্ট ফৰামৰ সহযোগত মহাবিদ্যালয়ত বিশিষ্ট সংগীতজ্ঞ, কবি, চিন্তাবিদ আৰু মানবতাবাদী ড° ভূপেন হাজৰিকাৰ মৃত্যু তিথি উপলক্ষে “মানৱতাৰ দিন” উদযাপন কৰা হয়। এই দিনটো প্ৰতিবছৰে ৫ নবেম্বৰত পালন কৰা হয়। অনুষ্ঠানটোত ড° হাজৰিকাৰ জীৱন, কীৰ্তি আৰু তেওঁ ৰচিত গীতসমূহৰ মাজত নিহিত মানবতাবাদী মূল্যবোধক স্মৰণ কৰা হয়।

প্ৰাৰ্থনাৰে আৰম্ভ হোৱা অনুষ্ঠানটোত তেওঁৰ প্ৰতিচ্ছবিত  প্ৰদীপ প্রজ্বলনৰ দ্বাৰা মহাবিদ্যালয়ৰ অধ্যক্ষ ড° দূৰ্গা প্ৰসাদ গগৈয়ে।  অধ্যক্ষ ড° দূৰ্গা প্ৰসাদ গগৈদেৱে উদ্বোধনী ভাষণত ড° হাজৰিকাৰ সমাজচেতনা, লোকসংগীতৰ ৰূপান্তৰ আৰু অসমীয়াৰ আত্মপৰিচয় গঠনত তেওঁৰ অৱদানৰ বিষয়ে আলোচনা কৰে। “মানৱতাৰ গায়ক” হিচাপে পৰিচিত ড° হাজৰিকাই সংগীতৰ জৰিয়তে মানৱতাৰ, শান্তিৰ আৰু ভ্ৰাতৃত্বৰ বার্তা প্ৰসাৰ কৰিছে এই বাৰ্তা  বিশেষভাৱে উল্লেখ কৰে।

        অনুষ্ঠানত পদাৰ্থ বিজ্ঞানৰ ৫ম সান্মাষিকৰ ছাত্ৰ তথা মহাবিদ্যালয়ৰ শ্ৰেষ্ঠ গায়ক অম্লানদ্বীপ বৰগোঁ‌হাই আৰু উচ্চতৰ মাধ্যমিক ১ম বৰ্ষৰ ছাত্ৰী তানিশা শইকীয়াই  ড° হাজৰিকাৰ গীত পৰিবেশন কৰে, তেওঁৰ চিন্তাধাৰা আধাৰিত বক্তৃতা আৰু প্ৰবন্ধ ৰুবীনা বেগম আৰু আৰিফা বেগমে পাঠ কৰে। সভাত উপস্থিত সকলো শিক্ষক-শিক্ষয়ত্ৰী আৰু ছাত্ৰ-ছাত্ৰীয়ে তেওঁ ৰচিত “মানুহে মানুহৰ বাবে” গীতটো সমবেতভাবে পৰিবেশন কৰে।  এই আয়োজনৰ জৰিয়তে ড° হাজৰিকাৰ ভাবধাৰা আৰু মানৱতাৰ আদৰ্শ পুনৰ স্মৰণ কৰি নতুন প্ৰজন্মৰ মাজত এক ইতিবাচক চেতনা সৃষ্টি হয়।

অনুষ্ঠানটোত সকলোৰে সক্ৰিয় অংশগ্ৰহণে এক সাংস্কৃতিক আৰু চিন্তামূলক পৰিৱেশ সৃষ্ট কৰে। মানৱতাৰ দিন উদযাপনে ড° ভূপেন হাজৰিকাৰ অসমীয়াৰ লগতে বিশ্বমানৱতাৰ ক্ষেত্ৰত অবিস্মৰণীয় অৱদানক পুনৰ প্ৰতিধ্বনিত কৰে।

২দিনীয়া বিহু নৃত্য আৰু বাদ্য বজোৱা প্ৰশিক্ষণ কৰ্মশালা

 অসমীয়া বিভাগৰ দ্বাৰা বিহু নৃত্য আৰু বাদ্য বজোৱা প্ৰশিক্ষণ কৰ্মশালা

           অসমীয়া বিভাগে উচ্চতৰ মাধ্যমিকৰ ১ম আৰু ২য় বৰ্ষৰ "বিহু" কাকতৰ লগত সংগতি ৰাখি ছাত্ৰ-ছাত্ৰীৰ বাবে ২ দিনীয়াকৈ নৃত্য আৰু বাদ্য বজোৱাৰ ওপৰত এক বিশেষ প্ৰশিক্ষণ কৰ্মশালা আয়োজন কৰে। এই কৰ্মশালাটো অসমৰ ঐতিহ্যবাহী শিল্পসংস্কৃতিৰ সৈতে শিক্ষাৰ্থীসকলক গভীৰভাৱে পৰিচিত কৰোৱা আৰু চূড়ান্ত পৰীক্ষাৰ বাবে সাজু কৰাৰ  উদ্দেশ্যে অনুষ্ঠিত কৰা হয়। কাৰ্যসূচীৰ অংশ হিচাপে স্থানীয় সংস্কৃতিৰ সংৰক্ষণৰ ওপৰতো গুৰুত্ব দিয়া হয়।

       প্ৰশিক্ষণ কৰ্মশালাখন দুদিনীয়া আছিল আৰু ইয়াত মহাবিদ্যালয়ৰ উচ্চতৰ মাধ্যমিকৰ ১ম আৰু ২য় বৰ্ষৰ ছাত্ৰ-ছাত্ৰী সকলে উৎসাহভাৱে অংশগ্ৰহণ কৰে। কৰ্মশালাত প্ৰশিক্ষক হিচাপে উপস্থিত আছিল স্থানীয় খ্যাতনামা বিহু শিল্পী প্ৰিন্স বৰদলৈ আৰু জিনীয়া সোনোৱালে। উল্লেখযোগ্য যে প্ৰিন্স বৰদলৈ মহাবিদ্যালয়ৰ ১ম সান্মাষিকৰ ছাত্ৰ আৰু জিনীয়া সোনোৱাল মহাবিদ্যালয়ৰ প্ৰাক্তন ছাত্ৰী। তেওঁলোকে ঢোল, পেঁ‌পা, গগনা, তাল  আদি বাদ্যযন্ত্ৰৰ সুৰত বিহু নৃত্যৰ ভংগিমা, সংগীত আৰু পৰিবেশনৰ গুৰুত্ব বিষয়ে বিস্তাৰিত ব্যাখ্যা কৰে।

        প্ৰশিক্ষণৰ সময়ছোৱাত শিক্ষাৰ্থীসকলে নিজে বিহু নৃত্যৰ মূল ধাপসমূহ অনুশীলন কৰে আৰু বাদ্যযন্ত্ৰ বজোৱাৰ মৌলিক কৌশল শিকে। এই প্ৰশিক্ষণৰ জৰিয়তে শিক্ষাৰ্থীসকলৰ মাজত অসমীয়াৰ লোকসংস্কৃতিৰ প্ৰতি আগ্ৰহ, শ্রদ্ধা আৰু গৌৰৱৰ অনুভৱ বৃদ্ধি পায়। লগতে এই ধৰণৰ কৰ্মশালাই সাংস্কৃতিক ঐক্য আৰু মিলনৰ এক সেঁ‌তু হিচাপে কাম কৰে।

       সকলোৰে সক্ৰিয় অংশগ্ৰহণৰ ফলত অনুষ্ঠানটো সফলভাৱে সম্পন্ন হয়। এই ধৰণৰ উদ্যোগে অসমীয়া বিভাগৰ সাংস্কৃতিক সচেতনতা বৃদ্ধি আৰু সমাজত অসমীয়া সংস্কৃতিৰ সংৰক্ষণৰ দিশে এক গুৰুত্বপূর্ণ পদক্ষেপ হিচাপে প্ৰতিফলিত হ'ব।

ভাষা ছহিদ প্ৰমোদ বড়াৰ শ্ৰদ্ধাঞ্জলী অনুষ্ঠান আৰু প্ৰবন্ধ প্ৰতিযোগিতাৰ ফলাফল ঘোষণা

 অসমীয়া মাধ্যম ছহিদ প্ৰমোদ বড়াৰ স্মৃতিচাৰণ অনুষ্ঠান

‘অসমীয়া ভাষা ছহিদ স্মৃতিৰক্ষা সমিতি, অসম’ৰ নামৰূপ মহাবিদ্যালয় শাখাৰ উদ্যোগত আৰু নামৰূপ মহাবিদ্যালয়ৰ অসমীয়া বিভাগৰ সহযোগত নামৰূপ মহাবিদ্যালয়ত ১৪ অক্টোবৰ, ২০২৫ তাৰিখে দিনৰ ১১.৩০ বজাৰপৰা মাধ্যম ছহিদ প্ৰমোদ বড়ালৈ শ্ৰদ্ধাঞ্জলী জনাই স্মৃতিচাৰণ অনুষ্ঠান অনুষ্ঠিত হয় ৷ অনুষ্ঠানত সভাপতিত্ব কৰে নামৰূপ মহাবিদ্যালয়ৰ অধ্যক্ষ ড. দূৰ্গা প্ৰসাদ গগৈয়ে ৷ অসমীয়া ভাষা ছহিদ স্মৃতিৰক্ষা সমিতিৰ নামৰূপ মহাবিদ্যালয় শাখাৰ সম্পাদক নামৰূপৰ সাংস্কৃতিক কৰ্মী শ্ৰী ব্ৰজানন্দ ভূঞাই আঁত ধৰা অনুষ্ঠানটোত মাধ্যম ছহিদ প্ৰমোদ বড়াৰ ভাতৃ শ্ৰীযুত লীলা বড়াৰ লগতে তেওঁলোকৰ পৰিয়ালৰ অন্যান্য সদস্যসকল উপস্থিত থাকে ৷ আৰম্ভণিতে ছহিদগৰাকীলৈ শ্ৰদ্ধাঞ্জলী জ্ঞাপন কৰি তেখেতৰ প্ৰতিচ্ছবিৰ সম্মুখত বন্তি প্ৰজ্জ্বলন কৰা হয় ৷ ভাতৃ লীলা বড়াই প্ৰথমতে বন্তি প্ৰজ্জ্বলন কৰা শ্ৰদ্ধাঞ্জলী কাৰ্যসূচীত অধ্যক্ষ ড. দূৰ্গা প্ৰসাদ গগৈ, অসমীয়া ভাষা ছহিদ স্মৃতিৰক্ষা সমিতি নামৰূপ মাবিদ্যালয় শাখাৰ সভাপতি ড. ছবি গগৈ, ছহিদ পৰিয়ালৰ সদসয়সকল, শিক্ষকসকল আৰু ছাত্ৰ একতা সভাৰ বি্য়ববীয়াসকলে শ্ৰদ্ধাঞ্জলী জনায় ৷ মহাবিদ্যালয়ৰ ছাত্ৰী ৰশ্মি বৰাই প্ৰমোদ বড়াৰ লগতে ভাষা ছহিদসকলৰ ত্যাগ আৰু বলিদানৰ বিষয়ে আলোকপাত কৰি ভাষণ আগবঢ়ায় ৷ ড. দূৰ্গা প্ৰসাদ গগৈ, লীলা বড়া, ব্ৰজানন্দ ভূঞা, ড. ছবি গগৈ, ৰেৱত বড়া আদিয়ে বক্তব্য আগবঢ়াই অসমীয়া ভাষাৰ মৌখিক আৰু লিখিত ব্যৱহাৰত শুদ্ধতাৰ ওপৰত গুৰুত্ব দি অসমীয়া ভাষাৰ সংৰক্ষণ আৰু সংবৰ্ধনত সৈনিকৰ ভূমিকা ল’বলৈ আহ্বান জনায় ৷ অনুষ্ঠানৰ লগত সংতি ৰাখি ছাত্ৰ-ছাত্ৰীৰ মাজত ‘ডিজিটেল মাধ্যমত অসমীয়া ভাষাৰ ব্যৱহাৰ’ শীৰ্ষক প্ৰবন্ধ প্ৰতিযোগিতা পতা হৈছিল আৰু পু্ৰস্কৃত সকলক উক্ত অনুষ্ঠানতে বঁটা বিতৰণ কৰা হয় ৷ শ্ৰীমতী দিনা দাসে প্ৰথম, পল্লৱী ফুকনে দ্বিতীয় আৰু ৰূপজ্যোতি গগৈয়ে তৃতীয় স্থান লাভ কৰে ৷

সভাৰ কিছু স্থিৰ চিত্ৰ